Mahallalarda xavfsiz muhitni yaratish va huquqbuzarliklarning barvaqt oldini olish tizimi samaradorligini oshirish yuzasidan seminar tashkil etildi.

Namangan viloyati IIBda O‘zbekiston Respublikasi Prezidentining 2025-yil 3-yanvardagi PQ-1-son Qarori ijrosiga bag‘ishlangan seminar bo‘lib o‘tdi. Unda «Xavfsiz shahar» markazi direktori o‘rinbosari, viloyat IIB xodimlari, prokuratura rahbariyati hamda Mahallalar uyushmasi viloyat boshqarmasi vakillari ishtirok etdi.

Seminarda mahallalarning kirish-chiqish joylariga yuzni va avtoraqamlarni tanib oluvchi kameralar o‘rnatish hamda ularni Tezkor boshqaruv markaziga ulash masalalari muhokama qilinib, kelgusidagi loyihalarni amalga oshirish bo‘yicha vazifalar belgilandi.