Ichki ishlar vazirligi mas’ullaridan iborat delegatsiya dunyoda yetakchi hisoblangan "Hikvision" kompaniyasi faoliyati bilan yaqindan tanishish maqsadida Xitoy davlatiga xizmat safarida bo‘lib qaytdi

Delegatsiya a’zolari Hikvision (Hikvision Digital Technology) kompaniyasi faoliyatini o‘rganib, rivojlangan davlatlarda amalga oshirilayotgan “Xavfsiz shahar” loyihasining natijalari hamda erishilayotgan yutuqlari shuningdek, intellektual videokuzatuv tizimlari samaradorligini oshirishdagi, uni tatbiq qilishdagi kompaniyaning ilg‘or tajribasi yuzasidan muhokamalar olib bordi.

Shuningdek, bugungi kunda raqamli texnologiyalar va sun’iy intellektning jadal tarzda rivojlanayotganligi, ular asosida ishlovchi intellektual videokuzatuv kameralaridan foydalanish va ularni nazorat qilish, bu orqali yuqori aniqlik va samaradorlikka erishilib, xavfsizlik choralarini kuchaytirish hamda tahdidlardan himoyalanish kabi mavzularda o‘zaro fikr almashinildi.