DIQQAT TANLOV! O‘zbekiston Respublikasi Ichki ishlar vazirligi “Xavfsiz shahar” tizimlarini rivojlantirish markazi bo‘sh ish o‘riniga tanlov e’lon qiladi.
Xavfsiz shahar markazi > Yangiliklar > Markaz yangiliklari > DIQQAT TANLOV! O‘zbekiston Respublikasi Ichki ishlar vazirligi “Xavfsiz shahar” tizimlarini rivojlantirish markazi bo‘sh ish o‘riniga tanlov e’lon qiladi.
O‘zbekiston Respublikasi Ichki ishlar vazirligi “Xavfsiz shahar” tizimlarini rivojlantirish markazi bo‘sh ish o‘riniga tanlov e’lon qiladi.
TANLOVDA ISHTIROK ETISH TARTIBI
Umumiy qoidalar
O‘zbekiston Respublikasi Ichki ishlar vazirligi “Xavfsiz shahar” tizimlarini rivojlantirish markaziga (keyingi o‘rinlarda – Markaz) jinsi, yoshi, irqi, millati, tili, ijtimoiy kelib chiqishi, mulkiy holati va mansab mavqeyi, dinga bo‘lgan munosabati, e’tiqodi, jamoat birlashmalariga mansubligidan qat’i nazar, o‘zining kasbiy, ishchanlik, shaxsiy va axloqiy fazilatlari, ma’lumoti darajasi va sog‘lig‘iga ko‘ra Markazga yuklatilgan vazifalarni bajarishga qodir bo‘lgan O‘zbekiston Respublikasi fuqarolari qabul qilinadi.
Quyidagilar Markazga ishga qabul qilinishi mumkin emas:
o‘n olti yoshga to‘lmagan shaxslar;
belgilangan tartibda muomalaga layoqatsiz yoki muomala layoqati cheklangan deb topilgan shaxslar;
Markazda ishlab turgan xodimi bilan yaqin qarindosh yoki quda-anda bo‘lsa (ota-onalar, aka-ukalar, opa-singillar, farzandlar, er-xotinlar, shuningdek er-xotinlarning ota-onalari, aka-ukalari, opa-singillari va farzandlari), agar ishga qabul qilinayotgan yoki tayinlanayotgan lavozim ulardan biri ikkinchisiga bevosita bo‘ysunib yoki uning nazorati ostida xizmat qilishni taqozo qilsa;
ishga kirish uchun soxta hujjatlar yoki bila turib yolg‘on ma’lumotlar taqdim etgan bo‘lsa;
sudlanganlik holati tugallanmagan yoki sudlanganligi olib tashlanmagan shaxslar;
qonun hujjatlarida belgilangan boshqa holatlar.
Markaz tomonidan ushbu tizim doirasida o‘z majburiyatlarini bajarish uchun zarur bo‘lgan shaxsga doir ma’lumotlar saqlanadi va qayta ishlanadi. Nomzod ushbu tizimda ishlashi uchun uning shaxsiy ma’lumotlaridan foydalanishga ruxsat berishi kerak.
Tanlov o‘tkazish va unda ishtirok etish tartibi
O‘zbekiston Respublikasi Ichki ishlar vazirligi “Xavfsiz shahar” tizimlarini rivojlantirish markaziga (keyingi o‘rinlarda – Markaz) xodimlarni ishga qabul qilish ochiq tanlov asosida amalga oshiriladi.
Nomzodlarni dastlabki o‘rganish;
Suhbat.
Har oyning 10 sanasiga qadar bo‘sh (vakant) lavozimlarga tanlov o‘tkazish haqidagi e’lon ishchi organ tomonidan rahbar bilan kelishilgan holda Markazning rasmiy veb-saytiga joylashtiriladi. Zarurat paydo bo‘lganda, e’lon ommaviy axborot vositalariga ham joylashtirilishi mumkin.
Markazga xodimlarni ishga qabul qilishga oid tanlov jarayonlari suhbat shaklida amalga oshiriladi, zarur hollarda test yoki amaliy mashg‘ulot sinov tartibi ham joriy etiladi.
Tanlovda ishtirok etish istagini bildirgan nomzod Markazning sccinfo@iiv.uz elektron pochtasi orqali tegishli hujjatlarni jo‘natishi lozim.
Tanlov o‘tkaziladigan kun, vaqt va joy haqida nomzodning elektron pochtasiga xabarnoma yoki telefon raqamiga SMS xabar yuboriladi.
Nomzod ushbu Nizom qoidalarida nazarda tutilgan talablarga mos kelmaganda, ishga kirish uchun hujjatlar o‘z vaqtida to‘liq taqdim qilinmaganda yoki bila turib soxta hujjatlar yoxud yolg‘on ma’lumotlar taqdim etilgan taqdirda nomzodni ishga qabul qilish rad etiladi.
Suhbat jarayoni:
Nomzod bilan suhbat jarayonida 5 ta savolni beriladi. Tanlangan savollar Ishchi organ tomonidan chop etiladi. Savollarni qayta tanlashga, o‘zgartirishga yo‘l qo‘yilmaydi.
Suhbat natijalari bo‘yicha har bir savol o‘n ballik tizimda baholanadi.
Nomzod tomonidan to‘planishi mumkin bo‘lgan eng yuqori ballning 56 foizi va undan yuqorisini to‘plaganda nomzodlar ichidan eng yuqori ballni to‘plagan nomzod lavozimga tavsiya etiladi. Nomzod tomonidan to‘planishi mumkin bo‘lgan eng yuqori ballning 55 foizidan kam ball to‘plaganda komissiya a’zolari tomonidan nomzod suhbatdan o‘tmagan deb e’tirof etiladi.
Nomzodning shikoyat qilish huquqi:
Tanlov natijalaridan norozi bo‘lgan nomzod o‘n kun muddat ichida Markazga, shuningdek sudga shikoyat bilan murojaat qilishi mumkin.
LAVOZIM HAQIDA UMUMIY MA’LUMOT
Tashkilot
O‘zbekiston Respublikasi Ichki ishlar vazirligi “Xavfsiz shahar” tizimlarini rivojlantirish markazi
Boshqarma(bo‘lim)
Komplayens-nazorati guruhi
Lavozim toifasi
Mutaxassis
Lavozim
Komplayens-nazorati guruhi bosh mutaxassisi
Bo‘sh ish o‘rni
1
E’lon berilgan sanasi
26.03.2025.
E’lon tugash sanasi
30.03.2025.
Lavozimning faoliyat yo‘nalishi va vazifalari
Markaz direktori tomonidan qabul qilingan buyruqlar, farmoyishlar va boshqa hujjatlar bilan yuklatilgan vazifalar ijrosini ta’minlaydi;
o‘z faoliyatida korrupsiyaviy huquqbuzarliklar va jinoyatlarning bo‘lmasligini ta’minlaydi hamda ularning sodir etilmasligi bo‘yicha zarur choralarni ko‘radi;
korrupsiyaga qarshi kurashish va yashirin iqtisodiyotni bartaraf qilish orqali aholi va xodimlarning Markaz xodimlari haqida fikr-mulohazalari ijobiy bo‘lishini ta’minlaydi;
ish joyida tozalik va tartib saqlanishini ta’minlaydi;
Markaz faoliyati davomida yuzaga kelishi mumkin bo‘lgan komplayens risklarni belgilash, baholash va monitoring qilish;
Markaz rahbarlari va xodimlariga komplayens risklar sohasidagi ularning majburiyatlarini bajarishlarida maslahatlar berish, qo‘llab-quvvatlash va ko‘maklashish;
Markazning ichki normativ hujjatlarini ishlab chiqishda ishtirok etish va ichki hujjatlarning O‘zbekiston Respublikasining amaldagi qonunchiligiga muvofiqligini tekshirish;
Markaz rahbariyatiga amalga oshirilgan ishlar bo‘yicha har chorakda hisobotlar taqdim etish;
Markaz tomonidan qonunchilikni qo‘llashda qonun ustuvorligini va qonuniylikni ta’minlash;
Rahbariyat bilan kelishgan holda Markaz nomidan komplayens nazorat va uning metodologiyasi bo‘yicha vakolatli davlat organlari bilan hamkorlik qilish;
Manfaatlar to‘qnashuvi va korrupsion harakatlar to‘g‘risida Markazga kelib tushgan ariza, taklif va shikoyatlarni ko‘rib chiqish;
amaldagi qonunchilik hujjatlari, Markaz hujjatlari, shu jumladan, ichki mehnat tartibi qoidalari, mehnatni muhofaza qilish, yong‘in xavfsizligi qoidalari, odob-axloq qoidalariga rioya qiladi;
Markaz tomonidan tashkil etiladigan tadbirlarda faol ishtirok etadi;
maxfiylik talablariga qat’iy rioya qiladi;
amaldagi qonunchilik hujjatlari hamda Markaz hujjatlarida belgilangan vazifalarining o‘z vaqtida, sifatli va lozim darajada bajarilishini ta’minlaydi;
Komplayens-nazorati guruhi bosh mutaxassisi qonun hujjatlari va Markaz direktorining topshiriqlariga muvofiq boshqa vazifalarni bajaradi.
Bilishi lozim:
faoliyatiga doir amaldagi normativ-huquqiy hujjatlarni;
Markazga qo‘yiladigan davlat talablarining mazmunini;
sanitariya-gigiyena talablarini;
mehnatni muhofaza qilish, texnika va yong‘in xavfsizligi qoidalarini;
odob-axloq qoidalarini;
ichki mehnat-tartib qoidalarini;
maxfiylik talablarini;
korrupsiyaga qarshi kurashish siyosatini.
Malaka talablari:
Huquq, moliya yoki iqtisod sohasida kamida bitta bakalavr darajasidagi oliy ma’lumotga ega bo‘lishi;
O‘z faoliyatiga oid normativ-huquqiy hujjatlar va ichki me’yoriy hujjatlarda aniqlangan korrupsiyaviy normalarni bartaraf qilish bo‘yicha qonunchilik xujjatlarini bilish;
Korrupsiyaga qarshi kurashish va manfaatlar to‘qnashuvining oldini olish sohasidagi qonunchilikni hamda nazariy bilimlarni bilishi talab etiladi;
“Xavfsiz shahar” markazi faoliyatiga doir normativ-huquqiy hujjatlarni bilishi;
davlat tilini va rus tilini bilishi, qo‘shimcha xorijiy tillardan birini (ingliz, nemis, koreys, xitoy, yapon) bilishi ma’qullanadi;
mutaxassisligi bo‘yicha kamida 3 yil ish tajribasi;
kompyuter ko‘nikmalariga ega bo‘lishi (ofis dasturlarini yaxshi o‘zlashtirgan bo‘lishi);
axborot-kommunikatsiya texnologiyalaridan foydalanishni bilishi.
Yetakchilik qobilyatlari, ishga ijodiy yondashish, ijodiy fikrlash, jamoada ishlash qobiliyati
Talabgorlar quyidagi manzilga o’z ma’lumotlarini jo’natishlari mumkin:
kadr@scc.uz
Aloqa uchun raqam qoldirishni unutmang.
Agar saytdan imlo xatolarini topsangiz, matnni tanlab, Ctrl+Enter tugmalarini bosib bizga xabar bering!