Andijon viloyatida IIVning Xavfsiz shahar markazi tomonidan 2024-yil davomida manzilli yillik dasturga muvofiq bir qator ishlar amalga oshirilmoqda

Andijon viloyatida IIVning Xavfsiz shahar markazi tomonidan 2024-yil davomida manzilli yillik dasturga muvofiq bir qator ishlar amalga oshirilmoqda

O‘zbekiston Respublikasi Prezidentining “Xavfsiz shahar” yagona integratsiyalashgan tizimini takomillashtirish bo‘yicha qo‘shimcha chora-tadbirlar to‘g‘risida”gi qaroriga muvofiq, bugungi kunda Andijon viloyati hokimligi, Andijon viloyati IIB va “Xavfsiz shahar” markazi bilan hamkorligida Xonabod shahri, Qo‘rg‘ontepa, Jalaquduq, Xo‘jaobod tumanlarida intellektual videokuzatuv tizimlarini joriy etish ishlari amalga oshirilmoqda.

Shuningdek, kriminogen jihatidan og‘ir hududlarda jinoyatchilikning oldini olish va xavfsizlikni ta’minlash bo‘yicha 229 ta obyektlarga jami 1 124 ta, shahar va tumanlarga kirish-chiqish 97 ta obyektga transport vositasining ro‘yxatdan o‘tkazish davlat raqami belgilarini aniqlovchi 184 ta, yo‘l harakati qoidabuzarliklarini foto-video qayd etuvchi avtomatlashtirilgan tizimi uchun 18 ta obyektga 18 ta intellektual videokuzatuv kameralari o‘rnatilmoqda.

Hozirda server qurilmalari uchun tashqi elektr va ma’lumotlarni uzatish tarmoqlari tashkil etilib, asosiy ma’lumotlarni qayta ishlovchi intellektual server qurilmalarida “Xavfsiz shahar” tizimining yagona apparat-dasturiy platformasi test rejimida ishga tushirildi.